Transmilli mütəşəkkil cinayətkar qrupların müasir informasiya-kommunikasiya texnologiyalarından geniş miqyasda istifadə etməsi labüd faktdır. Beynəlxalq terrorçu təşkilatar elmi-texniki nailiyyətlərdən yararlanmağa, kompüter, rabitə, informasiya-kommunikasiya texnologiyaları və s. sahələrdə mütəxəssisləri öz siralarına cəlb etməyə çalışırlar. Bu terrorçu təşkilatlar tərəfindən daim yeni üzvlərin rekrut edilməsi, törədilmiş terror aktlarına bəraət qazandırılması, potensial terrorçulara təlimlərin keçirilməsi, üzvlər arasında müntəzəm əlaqələrin saxlanılması və s. məqsədlərlə İnternet şəbəkəsindən fəal istifadə edilir.

Kibercinayətkarliğin, xüsusilə də kiberterrorçuluğun getdikcə daha ciddi xarakter alması bu təhlükələrin qabaqlanması istiqamətində Milli Təhlüskəsizlik Nazirliyinin fəaliyyətinin təkmilləşdirilməsi zərurətini artırmışdır. Bu sahədə qanunsuz əməllərə qarşı mübarizə müvafiq texniki avadanlıqların mövcudluğunu, habelə yüksək texnologiyalara dair xüsusi bilik və bacarıqlara yiyələnməyi tələb edir. Son illər ərzində məhz göstərilən sahələrə diqqət artırılmış, eləcə də ölkəmizin kibertəhdidlərə qarşı mübarizə imkanlarının təkmilləşdirilməsi istiqamətində adekvat tədbirlər görülmüşdür

Cari il bankomatladan istifadə edən şəxslərə məxsus hesabladan pulların oğurlanması ilə məşğul olan transmilli mütəşəkkil dəstə zərərsizləşdirilmiş, 8 nəfər, o cümlədən  2 xarici vətəndaş cinayət məsuliyyətinə cəlb edilmişdir.