Azərbaycan Respublikası Milli Təhlükəsizlik Naziri Eldar Mahmudova

Hörmətli cənab nazir,
Mən, Kəlbəcər rayonundan olan məcburi köçkün, hazırda Yevlaxdakı «Aran» qaçqın düşərgəsində yaşayan Məmmədov Hidayət Sizə bu məktubu yazaraq bildirirəm ki, həyat yoldaşım 4-5 ildir ki, duz xəstəliyindən əziyyət çəkir. Mən onu bir çox müalicə ocaqlarına aparsam da bunun nəticəsi olmamış, nəhayət Bakıda həkimlər Naftalan Duzlaq İstirahət Mərkəzinə aparmağı məsləhət görmüşdü. Beləliklə, mən iki il onu min bir əzab-əziyyət və çətinliklə Naftalana Duzlaq İstirahət Mərkəzinə aparıb-gətirdim. Naftalanda müalicə olunduqdan sonra halı bir az yaxşılaşdı. Lakin 2005-ci ildə onun halı yenə pisləşdi və yenidən Naftalana aparmalı oldum. Amma maddi vəziyyətim çətin oluduğundan, bu mümkün olmadı. Lakin Sizin nazirliyə müraciət etdim və köməyiniz nəticəsində həyat yoldaşım Naftalanda sizlərin qayğısı sayəsində müalicəsini müvəffəqiyyətlə başa çatdırdı. Bu müddətdə heç bir xərcimiz çıxmadı. İndi yoldaşımın səhhəti yaxşıdır.
Cənab nazir, göstərdiyiniz qayğı və diqqətə görə Sizə ailəmlə birgə minnətdarlığımı və dərin təşəkkürümü bildirirəm.
Çox sağ olun.

Allah hamınızın üstündən əksik olmasın.

Hörmətlə,
«Aran» qəsəbəsinin sakini, Kəlbəcər rayon qaçqını
Hidayət Məmmədov

16.11.2005