Azərbaycan Respublikasının milli təhlükəsizlik naziri, general-leytenant cənab Eldar Mahmudova!

Möhtərəm Prezidentimiz cənab İlham Əliyev və «Heydər Əliyev Fondu»nun prezidenti xanım Mehriban Əliyevanın təhsilimizə göstərdiyi diqqət və qayğı danılmazdır. Son illər ərzində ölkəmizin müxtəlif bölgələrində müəllim və şagirdlərin istifadəsinə verilən müasir üslubda inşa edilmiş və təchiz olunmuş yeni məktəblər müvafiq diqqət və qayğının ən bariz təzahürüdür. Təmsil etdiyimiz 311 saylı məktəb də bu qəbildən olan təhsil ocaqlarındandır.

Hörmətli Eldar müəllim!

Məktəbimizin açılışında Sizin şəxsən iştirak etməniz bizim bayram əhval-ruhiyyəmizi artırdı, sevincimizə sevinc qatdı. Bunun üçün Sizə bütün kollektivimiz adından dərin minnətdarlığımızı bildiririk.

Bundan əlavə, müəllim və şagird heyətimiz adından məktəbimizə hədiyyə olunan  kompüter dəstlərinə görə də Sizə təşəkkürümüzü ifadə edir və Ramazan bayramınızı təbrik etmək istərdik!

311 saylı məktəbin direktoru
E. İ. Muradova

18 oktyabr 2007-ci il