|
 S.Sviqun 28 sentyabr 1916-cı ildə Ukraynada Vinnitskov vilayətinin Berşad rayonunun Stratievka kəndində anadan olmuşdur. Milliyyətcə ukraynalıdır. 1934-1937-ci illərdə Odessa Pedaqoji İnstitutunun tarix fakültəsində təhsil almışdır. Bir müddət pedaqoji fəaliyyətlə məşğul olduqdan sonra, 1939-cu ildə təhlükəsizlik orqanlarında xidmətə qəbul edilmişdir. Təhlükəsizlik orqanlarında müxtəlif vəzifələrdə, o cümlədən, 1951-1955-ci illərdə Moldova SSR, 1955-1957-ci illərdə isə Tacikistan SSR DTK sədrinin müavini, 1957-1963-cü illərdə Tacikistan SSR DTK-nın sədri vəzifələrində çalışmışdır. Azərbaycan SSR Ali Soveti Rəyasət Heyətinin 22 oktyabr 1963-cü il tarixli qərarı ilə Semyon Sviqun Azərbaycan SSR Nazirlər Soveti yanında Dövlət Təhlükəsizliyi Komitəsinin sədri vəzifəsinə təyin edilmiş və 21 iyun 1967-ci il tarixinə qədər bu vəzifədə çalışmışdır.
|
