Prezident İlham Əliyev ölkəmizin milli təhlükəsizliyinin təmin edilməsində, xarici xüsusi xidmət orqanlarının kəşfiyyat, pozuculuq fəaliyyətinin aşkarlanması və qarşısının alınmasında, beynəlxalq terrorçuluqla və transmilli mütəşəkkil cinayətkarlıqla mübarizədə yüksək peşəkarlıq göstərdiklərinə, təhlükəsizlik orqanları üçün ixtisaslı zabit kadrlarının hazırlanması və əməkdaşların peşə hazırlığının artırılmasında xidmətlərinə görə Milli Təhlükəsizlik Nazirliyinin bir qrup əməkdaşına “Azərbaycan bayrağı” ordenini, “Vətən uğrunda”, “İgidliyə görə”, “Hərbi xidmətlərə görə” medallarını və təzə mənzillərin orderlərini təqdim etdi.

Milli Təhlükəsizlik Nazirliyinin Heydər Əliyev adına Akademiyasının zabit və kursantları hərbi marşın sədaları altında tribunanın qarşısından keçdilər.